ဘုရာဂုဏ်တော်ကိုးပါး ပါဠိနှင့် အနက်

(၁) အရဟံဂုဏ်တော်။ သော ဘဂဝါ၊ သစ္စာလေးဆင့် ခိုင်လုံးတင့်ကာ ပွင့်လာခေါင်ဖျာါးထိုအောင်တော်မူ မြတ်စွာဘုရားသည်။ ဣိတိပိ၊ ဤသို့ ကိလေသာတို့မှ ကင်းဝေးတော်မူ ခြင်း၊ ကိလေသာရန်သူတို့ကို ပယ်သတ်တော်မူခြင်း၊ သံသရာစက်၏ အကန့်အထောက်တို့ ကို ဖျက်ဆီးတော်မူခြင်း၊ ပူဇော်အထူးနှင့်တကွ ပစ္စည်းလေးပါးတို့ကို ခံယူတော်မူထိုက်ခြင်း၊ မကောင်းမှုကို ပြုလုပ်ဖွယ်ရာ ဆိတ်ကွယ်ရာမရှိခြင်းဟူသော အကြောင်းကြောင့်လည်း။ အရဟံ၊ “အရဟံ”ဟူသော ဂုဏ်တော်မြတ်နှင့် ပြည့်စုံတော်မူပါပေ၏။

• ပူဇော်အထူးကို ခံယူတော်မူထိုက်ပါပေသော မြတ်စွာဘုရာ၊
• ကိလေသာ အညစ်အကြေးကင်းစင်တော်မူပါပေသော မြတ်စွာဘုရား၊
• မကောင်းမှုကို ဆိတ်ကွယ်ရာအရပ်၌ပင် ပြုတော်မမူပေထသော မြတ်စွာဘုရား။ 

(၂) သမ္မာသမ္ဗုဒ္ဓဂုဏ်တော်။  သော ဘဂဝါ၊ ထိုမြတ်စွာဘုရားသည်။ ဣိတိပိ၊ ဤသို့ သယမ္ဘူ ဉာဏ်တော်မြတ်ဖြင့် မိမိအလိုလို ကိုယ်တော်တိုင်သာလျှင် ကြွင်းမဲ့ဥဿုံ အလုံးစုံသော ဉေ ယျဓံ တရားဟူသမျှတို့ကို ကောင်းစွာ မဖောက်မပြန် အမှန်ထိုးထွင်း အလင်းထင်ပေါ် သိမြင်တော်မူသော အကြောင်းကြောင့်လည်း။ သမ္မာသမ္ဗုဒ္ဓေါ၊ “သမ္မာသမ္ဗုဒ”ဟူသော ဂုဏ်တော်မြတ်နှင့် ပြည့်စုံတော်မူပါပေ၏။

• သိစရာမှန်သမျှတို့ကို ဆရာမလို ကိုယ်တော်တိုင်သိတော်မူပါပေသော မြတ်စွာ ဘုရား။ 

(၃) ဝိဇ္ဇာစရဏသမ္ပန္နဂုဏ်တော်။  သော ဘဂဝါ၊ ထိုမြတ်စွာဘုရားသည်။ ဣိတိပိ၊ ဤသို့ ဝိဇ္ဇာသုံးပါး ဝိဇ္ဇာရှစ်ပါး စရဏတရား တစ်ဆယ့်ငါးပါးတို့နှင့် ပြည့်စုံတော်မူသောအကြောင်း ကြောင့်လည်း။ ဝိဇ္ဇာစရဏသမ္ပန္နော၊ “ဝိဇ္ဇာစရဏသမ္ပန္န”ဟူသော ဂုဏ်တော်မြတ်နှင့် ပြည့် စုံတော်မူပါပေ၏။ - သိတော်မူသည့်အတိုင်း ကျင့်တော်မူပါပေသော မြတ်စွာဘုရား။

(၄) သုဂတဂုဏ်တော ။ သော ဘဂဝါ၊ ထိုမြတ်စွာဘုရားသည်။ ဣိတိပိ၊ ဤသို့ ငြိကပ်မှု ကင်းသန့်ရှင်းလှစွာ ကြွသွားတော်မူခြင်း၊ ကောင်းသော နိဗ္ဗာန်သို့ ဦးတည်၍ ကြွချီတော် မူခြင်း၊ အစွန်းတရားနှစ်ပါးမှကင်းလျက် အမှန်လမ်းဖြင့် ကြွသွားတော်မူခြင်း၊ သင့်တင့် လျောက်ပတ်ကောင်းမြတ်သောစကားတော်ကိုသာမြွက်ဆိုတော်မူခြင်းဟူသောအကြောင်းကြောင့်လည်း။ သုဂတော၊ “သုဂတ”ဟူသော ဂုဏ်တော်မြတ်နှင့် ပြည့်စုံတော်မူပါပေ၏။

• မှန်ကန်ပြီး အကျိုးရှိတော်မူသော စကားကိုသာ ဆိုတော်မူတတ်ပါပေသော မြတ်စွာဘုရား။ 

(၅) လောကဝိဒူဂုဏ်တော်။  သော ဘဂဝါ၊ ထိုမြတ်စွာဘုရားသည်။ ဣိတိပိ၊ ဤသို့ သတ္တ လောက သင်္ခါရလောက သြကာသလောက တည်းဟူသော လောကသုံးပါးတို့ကိုလည်း ကောင်း၊ လောက၏ သဘာဝ၊ လောက၏ ဖြစ်ကြောင်းတရား၊ လောက၏ ချုပ်ငြိမ်းမှုနှင့် လောက၏ ချုပ်ရာ နိဗ္ဗာန်သို့ ရောက်ကြောင်း အကျင့်ကောင်းကိုလည်းကောင်း အကြွင်းမရှိ သိမြင်တော်မူသော အကြောင်းကြောင့်လည်း။ လောကဝိဒူ၊ “လောကဝိဒူ” ဟူသော ဂုဏ် တော်မြတ်နှင့် ပြည့်စုံတော်မူပါပေ၏။

(၆) အနုတ္တရော ပုရိသဓမ္မသာရထိဂုဏ်တော်။  သော ဘဂဝါ၊ ထိုမြတ်စွာဘုရားသည်။ ဣိတိပိ၊ ဤသို့ သီလဂုဏ် သမာဓိဂုဏ် ပညာဂုဏ် ဝိမုတ္တိဂုဏ် ဝိမုတ္တိဉာဏဒဿနဂုဏ် တော်တို့ဖြင့် မိမိထက် သာလွန်သူ တစ်စုံတယောက်မျှ မရှိခြင်း၊ မယဉ်ကျေးသေးသော လူ နတ် ဗြဟ္မာ သတ္တဝါတို့ကို ယဉ်ကျေးလိမ္မာအောင် ဆုံးမတော်မူနိုင်ခြင်း၊ ယင်းသို့ဆုံမရာ၌ အတုမရှိ အောင်မြင်တော်မူခြင်းဟူသော အကြောင်းကြောင့်လည်း။ အနုတ္တရော ပုရိသဓမ္မ သာရထိ၊ “အနုတ္တရော ပုရိသဓမ္မ သာရထိ” ဟူသော ဂုဏ်တော်မြတ်နှင့် ပြည့်စုံတော်မူပါ ပေ၏။

(၇) သတ္တာဒေဝ မနုဿာနံဂုဏ်တော်။  သော ဘဂဝါ၊ ထိုမြတ်စွာဘုရားသည်။ ဣိတိပိ၊ ဤသို့ ဗြဟ္မာနတ်လူ သုံးဘုံသူတို့အား ပစ္စုပ္ပန်သံသရာ နှစ်ဖြာအကျိုး ဖွံ့ဖြိုးစေခြင်းငှာ သင့်တင့် လျောက်ပတ် ကောင်းမြတ်သောအဆုံးအမကို ပေးတော်မူတတ်ခြင်း၊ ဘဝကန္တာရ ခရီးခဲမှ သတ္တဝါတို့ကို ထုတ်ဆောင် ကယ်တင်တော်မူတတ်ခြင်းဟူသော အကြောင်းကြောင့်လည်း သတ္တာဒေဝ မနုဿာနံ၊ “သတ္တာဒေဝ မနုဿာန” ဟူသော ဂုဏ်တော်မြတ်နှင့် ပြည့်စုံတော် မူပါပေ၏။

(၈) ဗုဒ္ဓဂုဏ်တော်။  သော ဘဂဝါ၊ ထိုမြတ်စွာဘုရားသည်။ ဣိတိပိ၊ ဤသို့ သစ္စာလေးပါး မြတ်တရားကို ထင်ရှားပိုင်ပိုင် ကိုယ်တော်တိုင်လည်း သိတော်မူခြင်း၊ သူတပါးတို့ကိုလည်း မိမိနည်းတူ သိမြင်စေခြင်းငှာ ဟောကြားပြသ ဆုံးမတော်မူခြင်းဟူသောအကြောင်းကြောင့် လည်း ဗုဒ္ဓေါ “ဗုဒ္ဓ” ဟူသော ဂုဏ်တော်မြတ်နှင့် ပြည့်စုံတော် မူပါပေ၏။

(၉) ဘဂဝါဂုဏ်တော်။  သော ဘဂဝါ၊ ထိုမြတ်စွာဘုရားသည်။ ဣိတိပိ၊ ဤသို့ အလေး အမြတ်ပြုခြင်း၊ မာရ်ငါးပါးကို ဖျက်ဆီးအောင်မြင်ပြီး ဖြစ်ခြင်း၊ ဣဿရိယ ဓမ္မ ယသ သိရီ ကာမ ပယတ္တတည်းဟူသော ဘုန်းတော်ခြောက်ပါးနှင့် ပြည့်စုံတော်မူခြင်း စသော အကြောင်းကြောင့်လည်း။ ဘဂဝါ “ဘဂဝါ” ဟူသော ဂုဏ်တော်မြတ်နှင့် ပြည့်စုံတော်မူပါ ပေ၏။

ညွှန်း- ဗုဒ္ဓဘာသာကောင်းတစ်ယောက်၊ သာသနာတော်ထွန်းကားပြန့်ပွားရေးဦးစီးဌာန၊ သာသနာ သက္ကရာဇ် ၂၅၅၁၊ စာ ၇၀-၇၂။

ဘုရားဂုဏ်ပွားအကျိုးများ 
ဓမ္မဒါနအလှူရှင် - သုံးခွဆရာတော် (သဒ္ဓမ္မရံသီရိပ်သာ)

 မြတ်စွာဘုရား၏ ဂုဏ်တော်တို့သည် အကျဉ်းချုပ်အားဖြင့် ၉-ပါးဖြစ်ပါသည်။ အကျယ်အားဖြင့် မရေမတွက်လောက်အောင် များပြားလှပေသည်။ ဂုဏ်တော်များ၏ အစွမ်းသတ္တိတန်ခိုးအာနုဘော်တို့ သည်လည်းမရေမတွက်နိုင်လောက်အောင် များပြားလှပေသည်။ ထို့ကြောင့် ဂုဏ်တော်များကို ပွားများ ကြသော ပုဂ္ဂိုလ်တို့မှာလည်း မိမိတို့ အလိုရှိအပ်သော အကျိုးများစွာတို့ကို ရရှိနိုင်ကြပေသည်။

ဘုရားဂုဏ်တော်များကိုပွားများခြင်းဖြင့် ဘုရား၏ဂုဏ်တော်များကို မိမိ၏ကိုယ်စိတ်နှလုံးတွင်ထုံ မွှမ်းထားသကဲ့သို့ကူးစက်ပြန့်နှံလျှက်ရှိပြီး ဂုဏ်တော်၏အကျိုးထူးများကို ရရှိခံစားနိုင်ပါသည်။ ဂုဏ် တော် ၉-ပါလုံးကိုပွားများရန် အချိန်မရသူများအနေဖြင့် မိမိနှစ်သက်ရာ ဂုဏ်တော်တစ်ပါးပါးကိုပွားများ ခြင်းဖြင့် ဂုဏ်တော်၏အဓိပ္ပာယ်အလိုက် အကျိုးထူးများကိုရရှိနိုင်ပါသည်။ ဥပမာ- သမ္မာသမ္ဗုဒ္ဓေါဂုဏ် တော်ကိုပွားများခြင်းဖြင့် အသိဉာဏ်ပညာများကိုပွင့်လင်းစေပြီး စာမေးပွဲများဖြေဆိုရာတွင် ကောင်းမွန် စွာဖြေဆိုနိုင်ပါသည်။ ရန်အတိုက်အခံများရှိပါက အနုတ္တရောပုရိသဓမ္မသာရထိဂုဏ်တော်ကိုပွားများ သင့်ပါသည်။ ရာထူးဌာနန္တရများတိုးတက်လိုပါက အရဟံဂုဏ်တော်ကိုပွားများသင့်ပါသည်။ ဂုဏ်တော် များကိုပွားများရာတွင် ပါဠိကိုသာမက အနက်အဓိပ္ပာယ်ကိုပါ စိတ်ဖြင့်အားရုဏ်ပြုပြီးပွားများပါက ပိုမိုထိ ရောက်အကျိုး ရှိနိုင်ပေသည်။ ဘုရားဂုဏ်တော်များကို စားရင်း သွားရင်း နေရင်း ထိုင်ရင်း အလျဉ်းသင့် သလိုပွားများခြင်းဖြင့် မိမိကိုယ်ကို စေတီတည်ရာလည်းရောက်ပေသည်။